ກຸນແຈສຳຄັນ ລະຫັດສູ່ຄວາມສຳເລັດ

               ກຸນແຈສຳຄັນ ລະຫັດສູ່ຄວາມສຳເລັດ

.ໃຜໆກໍປາຖະໜາກ້າວສູ່ຄວາມສຳເລັດໂດຍສະເພາະຄົນອາຍຸກາງຄົນ ຄວາມມຸ່ງໝາຍທີ່ສຳຄັນຄື: ມີທີ່ຢູ່ອາໃສໝັ້ນຄົງ, ມີອາຊີບ ຫຼື ທຸລະກິດ, ມີພາຫະນະຮັບໃຊ້, ມີເງິນຄຳພຽງພໍຕໍ່ການຈັບຈ່າຍ ແລະ ມີຊັບສິນຄົງທີ່...

      ບໍ່ວ່າໃຜກໍຢາກລ້ຳຢາກລວຍມີເງິນ ມີຄຳ ແລະ ປະສົບຄວາມສຳເລັດທັງການງານ ທາງການເງິນ ແແຕ່ຈະເຮັດແນວໃດໃຫ້ເລື່ຶອງນີ່ບໍ່ແມ່ນເປັນພຽງຝັນ ເຊິ່ງແນ່ນອນຫາກລໍຖ້າໂອກາດ ຫຼື ໂຊກຊາຕາວາດສະໜາຢ່າງດຽວແມ່ນບໍ່ມີທາງເປັນໄປໄດ້ແທ້.

       10 ວິທີທີ່ຂ້າພະເຈົ້າລວບລວມມາໃຫ້ເພື່ອສຶກສາໂດຍລະບຸວ່າເປັນກຸນແຈສູ່ຄວາມສໍາເລັດ.

1.  ທຸກວັນຕ້ອງວາງເປົ້າໝາຍໃຫ້ຊັດເຈນ,​ໝັ່ນຄິດທົບທວນບັນຫາ ແລະຫາທາງແກ້ໄຂປັບປຸງ.

ບໍ່ແມ່ນຕັ້ງຄວາມຝັນໄວ້ໄກເກີນໄປ ແຕ່ຄວນຄິດທົບທວນວ່າເຮັດຫຍັງໄດ້ແດ່ ແລ້ວສິ່ງທີ່ຈະຊ່ວຍໃຫ້ຝັນເປັນຈິງໄດ້ຢ່າງໃດ ຈາກນັ້ນຫາທາງປັບປຸງໃຫ້ດີຍິ່ງຂຶ້ນ.

2.  ຟັງໃຫ້ຫຼາຍເວົ້າໃຫ້ນ້ອຍ.

ຢ່າເອົາຕາມຄວາມຄິດຕົນເອງເປັນໃຫຍ່ ຄວນຟັງຄວາມເຫັນຄົນຮອບຂ້າງ ເພາະຕ່າງຄົນກໍ່ຕ່າງມີມູມມອງ ໃຜເວົ້າຜິດບໍ່ຮູ້ ແຕ່ທຸກຄວາມເຫັນສາມາດນໍາມາແກ້ບັນຫາຮ່ວມກັນໄປສູ່ທາງອອກໄດ້.

3.  ຮັກສາສຸຂະພາບໃຫ້ດີ.

ໝັ່ນອອກກຳລັງກາຍ ຮັບປະທານອາຫານໃຫ້ຖືກສຸຂະລັກສະນະ ແລະ ໄປກວດຮ່າງກາຍປ້ອງກັນບໍ່ໃຫ້ເຈັບປ່ວຍ ເພື່ອທີ່ຈະບໍ່ກະທົບໜ້າທີ່ວຽກງານ.

4.  ຮູ້ຈັກສ້າງມິດຕະພາບໃໝ່ໆ.

ຮູ້ຈັກສ້າງມິດຕະພາບທີ່ດີ ຖືເປັນການສ້າງທຸລະກິດໄດ້ ເວົ້າລົມແລກປ່ຽນປະສົບການກັນ, ສະເໜີຄວາມຊ່ວຍເໜືອໃຫ້ກັນ ແລະ ກັນ.

5.  ເບີ່ງໂທລະພາບໃຫ້ໜ້ອຍລົງ.

ຄົນທີ່ປະສົບຜົນສຳເລັດສ່ວນໃຫຍ່ຈະບໍ່ຈື້ງຕາແຕ່ຢູ່ໜ້າຈໍ ດັ່ງນັ້ນ, ຄວນແບ່ງເວລາໄປເຮັດຫຍັງທີ່ເປັນປະໂຫຍດ ອາດຈະອ່ານໜັງສື ຫຼື ວິທີຜ່ອນຄາຍຢ່າງອື່ນດີກວ່າເຝົ້າຈໍໃຊ້ພະລັງງານໄຟຟ້າໄປທັງວັນ.

6.  ອ່ານໜັງສືຫຼາຍໆ.

ມີຄວາມຮູ້ຫຼາຍເທົ່າກັບມີໄຊໄປເຄິ່ງໜຶ່ງ ເພາະຈະໄດ້ຮູ້ຈັກໂລກໃນຫຼາຍແງ່ມູມ ຮູ້ບັນຫາ ຮູ້ວິທີແກ້ໄຂຢ່າງຖືກຈຸດ.

7.  ໝັ່ນພັດທະນາທັກສະຂອງຕົນເອງ.

ບໍ່ວ່າຈະປະກອບອາຊີບໃດ ຖ້າຢາກໄດ້ຕຳແໜ່ງເງິນເດືອນສູງຈະຕ້ອງພັດທະນາທັກສະທີ່ເຮັດຢູ່ໃຫ້ສູງຂຶຶ້ນ ລວມເຖິງພັດທະນາການມີປະຕິສຳພັນກັບລູກຄ້າ ເຮັດແນວໃດໃຫ້ລູກຄ້າປະທັບໃຈໃນບໍລິການຂອງເຮົາ.

8.  ເບິ່ງໂລກໃນແງ່ດີ.

ຈິດໃຈຫົດຫູ່ ເບິ່ງອັນໃດໃນແງ່ຮ້າຍໄປໝົດ ແລ້ວຈະເອົາກຳລັງໃຈທີ່ໃດມາເຮັດວຽກ ເມື່ອບໍໍ່ຕັ້ງໃຈເຮັດວຽກແລ້ວລາຍໄດ້ມະຫາສານຈະມາຈາກໃສ. ສະນັ້ນ, ພະຍາຍາມເບິ່ງອັນໃດໃນແງ່ບວກ ຮູ້ຈັກພິກວິກິດໃຫ້ເປັນໂອກາດ.

9.  ປະຢັັດອົດອອມ.

ພື້ນຖານຄວາມລ້ຳລວຍເລີ່ມຕົ້ນຈາກການອົດອອມ ຖ້າຮູ້ຈັກໃຊ້ຢ່າງປະຢັດ ມີເຫຼືອເກັບທຸກກວັນ ຫຼາຍປີກໍ່ຈະສະສົມເງິນກ້ອນໃຫຍ່ ບວກກັບລາຍໄດ້ຈາກການເຮັດວຽກ ກໍຈະເຮັດໃຫ້ເກີດຄວາມມັ່ງຄັ່ງຂຶ້ນມາໄດ້.

10. ເວົ້າຈາແລກປ່ຽນປະສົບການ.

ບາງຄົນແມ່ນຈະມີທັກສະກົງກັນກັບເຮົາ ແຕ່ອາດມີປະເດັນຍ່ອຍທີ່ແຕກຕ່າງກັນ ການມານັ່ງແລກປ່ຽນມູມມອງຈະເຮັດໃຫ້ເຮົາເຫັນອັນໃດຫຼາຍຂຶ້ນ ເປັນກ້າວທໍາອິດຂອງຂັ້ນໄດສູ່ຄວາມສຳເລັດຈະເຮັດໃຫ້ເຮົາມີວິໄສທັດກວ້າງໄກຂຶ້ນ.

                                  ຂໍ້ມູນຈາກ: www.khaosod.com.th

                                 (ຮຽບຮຽບໂດຍ: ວຽງສະຫວັນ ສິງຫາວົງ)