ສິ່ງທີ່ໄດ້ຮຽນຮູ້ຈາກງານເປີດຕົວໜັງສືຫົວໃໝ່ “ຂໍລິຂິດຊີວິດຕົນອງ” (DINTINE THE LIFE) ໂດຍ: ສີສຸກ ສຸວັນນະຜ່ອງ

ສິ່ງທີ່ໄດ້ຮຽນຮູ້ຈາກງານເປີດຕົວໜັງສືຫົວໃໝ່
“ຂໍລິຂິດຊີວິດຕົນອງ” (DINTINE THE LIFE)
ໂດຍ: ສີສຸກ ສຸວັນນະຜ່ອງ

1. ຖືວ່າເປັນປາກົດການໜ້າໃໝ່ໃນສັງຄົມລາວ: ທີ່ເຫັນການຈັດງານເປີດຕົວໜັງສືແບບນີ້ ຖືວ່າເປັນການໃຫ້ກໍາລັງຜູ້ຂຽນ ລວມທັງເປັນການໃຫ້ຂໍ້ຄິດ ແລະແຮງບັນດານໃຈແກ່ນັກຂຽນ ແລະ ໜອນໜັງສືຮຸ່ນໃໝ່ທັງຫລາຍ
2. ການໃຫ້ຄວາມສໍາຄັນໃນການອ່ານ: ເຫັນຈາກການສໍາພາດທາງຮ້ານໜັງສື ແລະເຄື່ອງຫລິ້ນເດັກນ້ອຍໂມນູເມັນ (Monument Books Store and Troy) ທີ່ໃຫ້ໂອກາດຈັດງານເປີດງານຄັ້ງນີ້ຟຣີໂດຍບໍ່ເສຍຄ່າໃຊ້ຈ່າຍ ທ່ານນາງດວງດາລາ ພົມມະວົງເຈົ້າຂອງຮ້ານກ່າວວ່າເປັນການສົ່ງເສີມການອ່ານໃນສັງຄົມໃຫ້ຫລາຍຂຶ້ນ ທ່ານທີ່ເປັນລູກຄ້າປະຈໍາຮ້ານນີ້ກໍຄົງຈະຮູ້ດີວ່າປົກກະຕິແລ້ວທາງຮ້ານຈະຈຳໜ່າຍໜັງສືຕ່າງປະເທດເປັນສ່ວນໃຫຍ່
3. ຄວາມສໍາຄັນຂອງການສ້າງເຄື່ອຄ່າຍ: ການທີ່ຈະທໍາງານໃດໜຶ່ງໃຫ້ໄດ້ຮັບຜົນສໍາເລັດນັ້ນກໍຕ້ອງອາໄສເຄື່ອຄ່າຍ(Connection), ຜູ້ສະໜັບສະໜູນ(Sponsor), ຄູອາຈານ, ເພື່ອນຮ່ວມອຸດົມການ ແລະ ຝ່າຍການຕະຫລາດ ເຫັນໄດ້ຈາກການໃຫ້ກຽດເຂົ້າຮ່ວມຂອງພໍ່ແມ່ຄູບາອາຈານທີ່ມີປະສົບປະການສູງເຊັ່ນ: ທັມມະທາຣາ, ລູກດອນກະເດັນ..., ຮ້ານໜັງສືຕ່າງໆ ແລະ ສື່ພິມບາງສໍານັກບໍ່ວ່າຈະເປັນງານຂາຍປຶ້ມອອນລາຍດີບຸກ, ຮັກອ່ານ, ອີຊີບຸກ...
4. ຄຸນຄ່າຂອງກັນລະຍານະມິດ: ເຫັນອາຈານສີສຸກກັບອາຈານວຽງສະຫວັນ ນຶກວ່າເປັນ Steve Jobs & Steve Wozniak, Bill gates & Warren Buffett ມັນເບິ່ງມີພະລັງຫລາຍໆບອກບໍ່ຖືກ...

•ບັນຫາ
1. ການພິມປຶ້ມຢູ່ບ້ານເຮົາຍັງຕ້ອງອາໄສທຶນຕົວເອງເປັນຫລັກ ຍັງມີໜ້ອຍທີ່ຈະເຫັນໜັງສືທີ່ໄດ້ຮັບການຕີພິມຈາກສໍານັກພິມໂດຍກົງທີ່ຜູ້ຂຽນບໍ່ໄດ້ກ່ຽວຂ້ອງກັບການຈ່າຍຄ່າຕີພິມ

ແນວໃດກໍຕາມ ງານເປີດຕົວໜັງສືຄັ້ງນີ້ຖືວ່າເປັນນິມິດໝາຍອັນດີໃນການເປັນຈຸດເລີ່ມຕົ້ນໃຫ້ຄົນທີ່ຮັກການອ່ານໄດ້ຊືມຊັບ ແລະນໍາໄປຕໍ່ຍອດເພີ່ມພູນ ເພື່ອຈະໄດ້ເຫັນງານດີໆແບບນີ້ຈັດຂຶ້ນອີກເລື້ອຍໆໄປ.
__________________________________

ບັນທຶກເດີນທາງນັກຂຽນໂດຍ: ທັມມະອິນເທຣນລາວ, ວິພັດສະວາທີ ພິກຂຸ, ອຸຊຸຈາໂຣ ພິກຂຸ, ປາກກາ

ຮູບໃນງານເປີດໂຕປຶ້ມ: