ຄົນທີ່ມັກວິຈານຊີວິດຄົນອື່ນ- viengsavanh-shv.blogspot.com

ຄົນທີ່ມັກວິຈານຄົນອື່ນບໍ່ໄດ້ເຮັດໃຫ້ຊີວິດເຂົາດີຂຶ້ນ ຫຼື ຕໍ່າລົງ ແຕ່ມັນບົ່ງບອກເຖິງນິດໄສຂອງຄວາມບໍ່ເປັນຕົວຂອງຕົນເອງ ໂດຍທີ່ບໍ່ເຮັດສິ່ງໃດ ຄອຍແຕ່ຈັບຜິດຊີວິດຄົນອື່ນ ຖ້າແຕ່ຈະເວົ້າ ຖ້າແຕ່ຈະເບິ່ງຄົນອື່ນເຮັດຜິດ ແລະ ຄອຍຊ້ຳເຕີບເປັນປະຈໍາ ຖ້າທ່ານພົບກັບເຫດແບບນີ້ ຂ້າພະເຈົ້າຢາກບອກວ່າ ຈົງເບິ່ງເຂົາເປັນບົດຮຽນ ບໍ່ຕ້ອງໂທດເຂົາ ບໍ່ຕ້ອງໄປເວົ້າໃຫ້ເຂົາຄືນວ່າ ບໍ່ມີວຽກເຮັດຫວາ ຈຶ່ງມາຄອຍແຕ່ນິນທາ ວິຈານຂ້ອຍແບບນີ້ ເມືອໃດທີ່ເຮົາໂຕ້ຕອບກໍບໍ່ຕ່າງຫຍັງກັບເຮົາເປັນຄືເຂົານັ້ນເອງ ດັ່ງຄໍາເວົ້າຂອງນັກຂຽນຊື່ດັງຄົນໜຶ່ງເປັນຊາວອະເມຣິກາ ທ່ານ ເດວ ຄາເນກີ້ ລາວເວົ້າກ່ຽວກັບເລື່ອງນີ້ໄດ້ດີຫຼາຍ ລາວເວົ້າວ່າ ເມື່ອໝາເຫົ່າ ຢ່າເຫົ່າຕອບ ເພາະມັນຈະເພີ່ມໝາຂຶຶ້ນອີກໂຕໜຶ່ງ ສະນັ້ນ ຈະເຮັດສິ່ງໃດກໍແລ້ວແຕ່ ຢ່າໄປສົນສຽງນົກສຽງກາ ຫຼື ສຽງນິນທາຈາກຄົນອື່ນ ຄົນທີ່ສ້າງສິ່ງໃດມັກຈະໄດ້ສິ່ງນັ້ນ ເມື່ອເຮົາຢາກເປັນສິ່ງໃດສິ່ງໜຶ່ງ ແລ້ວຄົນອື່ນມາວິຈານ ມັນຈະເປັນສິ່ງທີ່ດີ ເພາະເຮົາຄິດສະເໝີວ່າ ຖ້າເຮົາບໍ່ດີກວ່າ ຫຼື ເດັ່ນກວ່າ ເຂົາຄົງບໍ່ມາວິຈານດອກ ຢ່າສົນກັບຄົນທີ່ບໍ່ໄດ້ເຮັດໃຫ້ຊີວິດເຮົາດີຂຶ້ນ ແຕ່ຈົ່ງສົນກັບຄົນທີ່ຄອຍໃຫ້ກຳລັງໃຈ ແລະ ສົ່ງເສີມໃຫ້ເຮົາເຮັດແຕ່ສິ່ງດີໆແກ່ຕົນເອງ ແລະ ເພື່ອສັງຄົມ ເມື່ອສິ່ງທີ່ຕົນເອງເຮັດນັ້ນ ມັນເປັນສິ່ງທີ່ຕົນເອງຮັກມັກ ກໍຈົ່ງເຮັດມັນຕໍ່ໄປ ເພາະສິ່ງທີ່ບໍ່ທັນໄດ້ເກີດຂຶ້ນໃນຕອນນີ້ ບໍ່ໄດ້ໝາຍຄວາມວ່າ ມັນຈະບໍ່ເກີດຂຶ້ນໃນອະນາຄົດ ມັນຕ້ອງເກີດຂຶ້ນແທ້ ພຽງແຕ່ຕ້ອງໃຊ້ເວລາເທົ່ານັ້ນກໍຈະເຖິງເສັ້ນໄຊທີ່ເຮົາວາງໄວ້ນັ້ນເອງ....

https://www.youtube.com/watch?v=BHN9zqbM7dw