ເວລາຂອງເຮົາມີຈຳກັດ My time is limited

ເວລາຂອງເຮົາມີຈຳກັດ 

ເຮົາຕ່າງມີເຫດຜົນສໍາລັບການມີຊີວິດ

 ຢູ່ຕໍ່ໄປໃນມື້ອື່ນນີ້

ອາດເພື່ອຄົນທີ່ຢູ່ບ້ານ

ຈຶ່ງຍອມອົດທົນ ແລະ ຈາກບ້ານມາໄກ

ເພື່ອໃຫ້ເຂົາໄດ້ຢູ່ສະບາຍ

ອາດເພື່ອຄວາມຝັນ

ທີ່ຖືກດູຖູກຈາກຄົນອື່ນ

ແຕ່ກໍ່ຍັງຄ່ອຍໆເດີນເພື່ອໄປໃຫ້ເຖິງ

ອາດເພື່ອການຄົບໃຜຈັກຄົນໜຶ່ງ

ທີ່ເປັນເຫດຜົນຂອງຮອຍຍິ້ມໃນທຸກໆວັນທີ່ຕື່ນຂຶ້ນມາ

ໃນເມື່ອເຮົາຍັງຫາຍໃຈຢູ່

ກໍຈົ່ງໃຊ້ຊີວິດທຸກໆວັນໃຫ້ຄຸ້ມຄ່າ

ກັບການເກີດມາພຽງຄັ້ງດຽວ ແລະ ບໍ່ຮູ້ວ່າມື້ອື່ນນີ້ຈະມີຢູ່ຈິງຫຼືບໍ່

ຢ່າຢູ່ເພື່ອລືມໃຜຄົນໃດໜຶ່ງ ຫຼື ຢູ່ເພື່ອຮ້ອງໄຫ້ກັບເລື່ອງເກົ່າໆ

ທີ່ຄອຍໃຫ້ເສົ້າ ແລະ ທຸກໃຈຕະຫຼອດເວລາ

ແຕ່ຈົ່ງຢູ່ເພື່ອຕື່ມເຕັມ ແລະ ເປັນຄວາມສຸກໃຫ້ຄົນອື່ນ

ເຮົາມີເວລາໃນການໃຊ້ຊີວິດ

ບໍ່ວ່າຈະໃຊ້ຊີວິດໃນຮູບແບບໃດ

ຈະຢູ່ທາງໂລກ ຫຼື ທາງທໍາ

ຖ້າເຮົາຢູ່ເພື່ອຕື່ມເຕັມໃຫ້ກັບຊີວິດຄົນອື່ນ

ບໍ່ພຽງຈະເຮັດເຮົາມີຄວາມສຸກ ແຕ່ຈະເຮັດໃຫ້ເຫັນເຖິງຈິດໃຈມະນຸດດ້ວຍກັນ

ຈະເຮັດສິ່ງໃດກໍເຮັດໃຫ້ເຕັມທີ່ເລີຍ

 Our time is limited ເພາະ...ຊີວິດເຮົາມີຈໍາກັດ....

ສິ່ງທີ່ເຮັດໄວ້ຈະສົ່ງຜົນຕອບແທນເຮົາສະເໝີ ພຽງແຕ່ສິ່ງທີ່ເຮົາເຮັດບໍ່ທັນສົ່ງຜົນໃຫ້ເຮົາ ມັນຕ້ອງໃຊ້ເວລາ

ໝັ່ນສ້າງຄວາມດີ ເຮັດດີ ຄວາມດີຈະຄອຍປົກປ້ອງທ່ານ....

ດ້ວຍຄວາມຮັກ

ພະວຽງສະຫວັນ ສິງຫາວົງ