ການເປັນຜູ້ໃຫ້ THE GIVING |ທຸກຄົນເປັນຜູ້ໃຫ້ໄດ້ ເພາະທຸກຄົນເປັນຄົນລວຍ.
ທຸກຄົນ...ເປັນຜູ້ໃຫ້ໄດ້....
ຫາກທ່ານຄິດວ່າການເປັນຜູ້ໃຫ້ນັ້ນຈະຕ້ອງເປັນຄົນມີຍົດຖາບັນດາສັກ
ຕ້ອງເປັນຄົນທີ່ມີເງິນຫຼາຍຈິ່ງຈະບໍລິຈາກເງິນຈົນກາຍເປັນຜູ້ໃຫ້ທີ່ສົມບູນແບບໄດ້
ຫຼາຍຄົນຄິດວ່າ ເຮົາຍັງຄົງເປັນຜູ້ໃຫ້ບໍ່ໄດ້ ເພາະເຮົາຍັງບໍ່ລວຍ ເພາະເຮົາຍັງບໍ່ມີວັດຖຸປັດໄຈພຽງພໍ
ທີ່ຈິງແລ້ວ....ທຸກຄົນເປັນຄົນລວຍຢູ່ແລ້ວ ແລະ ລວຍຫຼາຍພ້ອມອີກຕ່າງຫາກ
ເມື່ອສະໄໝຄັ້ງພຸດທະການ
ມີຊາຍຜູ້ທຸກຍາກຄົນໜຶ່ງ ຖາມພຣະພຸດທະເຈົ້າວ່າ
“ເຫດໃດຂ້າພະເຈົ້າຈຶ່ງທຸກຍາກຍິ່ງແທ້”
ພຣະພຸດທະເຈົ້າຕອບວ່າ
“ເພາະທ່ານຍັງບໍ່ຮູ້ຈັກການໃຫ້”
ຊາຍຜູ້ທຸກຍາກຈຶ່ງເວົ້າຕໍ່ວ່າ
“ທັງໆທີ່ຜູ້ຂ້າບໍ່ມີສິ່ງໃດຈະໃຫ້ນີ້ບໍ!!”
ພຣະພຸດທະເຈົ້າຕອບວ່າ “ທ່ານມີຢູ່ບໍ່ໜ້ອຍເລີຍ!”
ທ່ານມີໃບໜ້າ
ເຊິ່ງສາມາດໃຫ້ຮອຍຍິ້ມ ໃຫ້ຄວາມສົດໃສ ແລະ ເບີກບານແກ່ຜູ້ອື່ນໄດ້
ທ່ານມີປາກ
ເຊິ່ງສາມາດ ຊື່ນຊົມ ໃຫ້ກໍາລັງໃຈຜູ້ອື່ນໄດ້
ທ່ານມີຫົວໃຈ
ເຊິ່ງສາມາດເປີດຮັບຟັງ ໃຫ້ຄວາມຈິງໃຈ
ໃຫ້ອະໄພ ໃຫ້ຄວາມເມດຕາແກ່ຜູ້ອື່ນໄດ້
ທ່ານມີດວງຕາ
ເຊິ່ງສາມາດເບິ່ງຜູ້ອື່ນດ້ວຍສາຍຕາແຫ່ງຄວາມຫວັງດີ
ແລະ ໂອບອ້ອມອາຣີ
ແລະ ທ່ານມີຮ່າງກາຍ
ເຊິ່ງສາມາດຊ່ວຍເຫຼືອຜູ້ອື່ນໄດ້ສະເໝີ
ສະນັ້ນ, ແທ້ຈິງແລ້ວເຮົາບໍ່ໄດ້ທຸກຍາກເລີຍ
ເຮົາເປັນຜູ້ໃຫ້ໄດ້ ຖ້າເຮົາພ້ອມທີ່ຈະເປັນຜູ້ໃຫ້
ດວ້ຍຄວາມຈິງໃຈ ເຖິງເຮົາບໍ່ຈະມີວັດຖຸ ຫຼື ປັດໄຈ ເຮົາກໍສາມາດໃຫ້ສິ່ງອື່ນໄດ້ເຊັ່ນດຽວກັນ...
ທ່ານຢ່າລືມວ່າ ການໄດ້ແບ່ງປັນ ໄດ້ຊ່ວຍເຫຼືອ ໄດ້ໃຫ້ຄວາມຮັກ ໃຫ້ໂອກາດ ໃຫ້ນໍ້າໃຈ
ຫຼື ໃຫ້ອະໄພ ຄືຄວາມສຸກທີ່ຍິ່ງໃຫຍ່ຢ່າງປະເມີນຄ່າບໍ່ໄດ້.
ຂ້ອຍວຽງສະຫວັນ ສິງຫາວົງ
ความคิดเห็น
แสดงความคิดเห็น